கூகிள் போட்டோஸ் மெமோரீஸ் அம்சத்தில் நபர்களை மறைப்பது எப்படி?

நம்முடைய பழைய நினைவுகளை மீண்டும் நினைவூட்டுவதில் 'கூகிள் போட்டோஸ் மெமோரீஸ்' (Google Photos Memories) அம்சம் மிகச் சிறந்த பங்கு வகிக்கிறது. பல வருடங்களுக்கு முன்பு நாம் எடுத்த புகைப்படங்களை முகப்புப் பக்கத்திலேயே காண்பித்து நம்மை நெகிழ்ச்சியடைய வைப்பது இதன் சிறப்பு. இருப்பினும், சில நேரங்களில் நாம் மீண்டும் பார்க்க விரும்பாத கசப்பான நினைவுகள் அல்லது நபர்களின் புகைப்படங்களும் இதில் தோன்றி மனதிற்கு சங்கடத்தை ஏற்படுத்தக்கூடும். இத்தகைய விரும்பத்தகாத நினைவுகளைத் தவிர்த்து, நமக்கு பிடித்மான புகைப்படங்களை மட்டும் திரையில் திரையிடும் வகையில் இந்த அம்சத்தைத் தனிப்பயனாக்குவது (Customize) மிகவும் அவசியமாகும்.

கூகிள் போட்டோஸ் மெமோரீஸ் என்றால் என்ன?

கூகிள் போட்டோஸ் செயலி செயற்கை நுண்ணறிவு (AI) தொழில்நுட்பத்தைப் பயன்படுத்தி, கடந்த காலத்தில் நாம் எடுத்த புகைப்படங்களை 'மெமோரீஸ்' என்ற பெயரில் தொகுத்துக் காட்டுகிறது. ஒவ்வொரு வருடமும் அதே நாளில் நாம் என்ன செய்தோம் என்பதை இது நினைவூட்டுகிறது.

எல்லா நினைவுகளும் எப்போதும் மகிழ்ச்சியானதாக இருப்பதில்லை என்பதை உணர்ந்து, பயனர்களின் தனியுரிமைக்கு கூகிள் முன்னுரிமை அளிக்கிறது.

குறிப்பிட்ட நபர்களின் முகங்களை மறைப்பது எப்படி?

உங்களுக்குப் பிடிக்காத அல்லது நீங்கள் பார்க்க விரும்பாத நபர்களின் புகைப்படங்கள் மெமோரீஸ் கேரூசலில் (Memories Carousel) தோன்றுவதைத் தடுக்க எளிய வழிமுறைகள் உள்ளன.

முகங்களை மறைப்பதற்கான எளிய படிகள்:

• உங்கள் மொபைலில் கூகிள் போட்டோஸ் செயலியைத் திறக்கவும்.
• வலது மேல் மூலையில் உள்ள உங்கள் சுயவிவரப் படத்தைக் கிளிக் செய்து, Photos settings பகுதிக்குச் செல்லவும்.
• அங்கே Preferences என்பதைத் தேர்ந்தெடுத்து, Memories என்ற விருப்பத்தைக் கிளிக் செய்யவும்.
• இப்போது Hide people & pets என்ற தேர்வை அழுத்துங்கள்.
• உங்களுக்குத் தோன்றும் முகங்களின் பட்டியலில், நீங்கள் மறைக்க விரும்பும் நபரின் முகத்தைக் கிளிக் செய்தால் போதும். இனி அவர்களின் படங்கள் உங்களுக்கு நினைவூட்டலாக வராது.

தேதிகள் மற்றும் காலகட்டங்களை கட்டுப்படுத்துதல்

நபர்களை மட்டுமல்லாது, குறிப்பிட்ட சில நாட்கள் அல்லது மாதங்களில் எடுத்த புகைப்படங்கள் கூட உங்களுக்கு மன உளைச்சலைத் தரலாம். அதையும் கூகிள் போட்டோஸ் அமைப்புகளில் எளிதாக மாற்றியமைக்க முடியும்.

குறிப்பிட்ட நாட்களை மறைக்க:

Memories அமைப்புகளில் உள்ள Hide dates என்ற விருப்பத்தைத் தேர்ந்தெடுத்து, எந்த குறிப்பிட்ட தேதியிலிருந்து எதுவரை உள்ள படங்களை மறைக்க வேண்டும் என்பதை நீங்கள் முடிவு செய்து கொள்ள இயலும். இதன் மூலம் அந்த குறிப்பிட்ட காலகட்டத்தின் புகைப்படங்கள் எதுவும் உங்கள் திரையில் மீண்டும் தோன்றாது.

கூகிள் போட்டோஸ் மெமோரீஸ் அம்சத்தை உங்கள் விருப்பத்திற்கு ஏற்ப மாற்றி அமைப்பதன் மூலம், உங்கள் டிஜிட்டல் நினைவுகளை எப்போதும் நேர்மறையாகவும் மகிழ்ச்சியாகவும் வைத்துக்கொள்ள முடியும்.

கூகிள் போட்டோஸ் செயலியின் இந்த வசதி உங்களுக்கு பயனுள்ளதாக இருந்ததா? உங்கள் கருத்துக்களை கீழே உள்ள கமெண்ட் பகுதியில் எங்களோடு பகிர்ந்து கொள்ளுங்கள்!